【明報專訊】港鐵沙中線紅磡站被揭發剪鋼筋等工程問題,一直未有人問責,政府就話要設立鐵路署,加強監督鐵路規劃、建造同規管鐵路安全工作。對於政府建議,新民黨主席葉劉淑儀噚日火氣十足,喺立法會鐵路事宜小組委員會直斥政府部門監管不力,「如果政府有膽再拎路政署(鐵路署)嚟立法會,我嘅答案:over my dead body(等我死咗再講)」。呢句說話大家耳熟能詳,皆因前公民黨議員楊岳橋都講過,佢當時話若果有人想搞香港嘅獨立司法系統,「over my dead body!」
港鐵沙中線紅磡站被揭發剪鋼筋等工程問題後,一直未有政府官員問責。今日(9日)立法會鐵路事宜小組委員會上,新民黨立法會議員葉劉淑儀直斥政府部門失職、監管不力,即使毋須如台灣花蓮列車出軌後有官員辭職,也應要有懲罰;又稱政府建議設立鐵路署,僅將機電署及路政署人手抽調往新部門,「仲要開啲高級嘅位畀你哋升級」,直言政府「唔罰仲要賞」,做法荒謬,她稱若政府「有膽再拎鐵路署嚟立法會」,她的答案只會是「Over my deadbody(只要我還有一口氣就不能這樣做)」。